Го сакам градот безбеден“ – оваа недела во Охрид – “E dua qytetin të sigurt” – këtë javë në Ohër
Si pjesë e fushatës “Java e Sigurisë në Komunikacion në komunën time” e cila zhvillohet me moton “E dua qytetin të sigurt”, Këshilli Republikan për Siguri në Komunikacionin Rrugor, Komuna e Ohrit, SPB Ohër, KKSKRR Ohër dhe faktorët e tjerë shoqërorë në shtatë ditët e ardhshme në Ohër do të organizojnë më shumë aktivitete parandaluese të komunikacionit me qëllim që ta bëjnë qytetin më të sigurt dhe komunikacionin më të sigurt.
Parada e biçikletave që organizohet sot e shënon fillimin e Javës së Sigurisë në Komunikacion në Ohër. Mesazhi që po u dërgohet qytetarëve sot është përdorimi më i madh i biçikletës si një mjet transporti për një qytet më të sigurt dhe më të pastër. Infrastruktura më e mirë e komunikacionit, çiklistët e përgjegjshëm dhe shoferët e ndërgjegjshëm që i respektojnë çiklistët si pjesëmarrës të barabartë në komunikacion është ajo që i duhet Ohrit dhe ajo që do ta bëjë Ohrin një qytet çiklistik – theksojnë nga KRSKRR-ja.
“E dua qytetin të sigurt” është mesazhi kryesor që do të përcillet në Ohër për shtatë ditët e ardhshme. Aksioni do të përfshijë një numër aktivitetesh të destinuara për të gjitha grupet e pjesëmarrësve në komunikacion. Patrullat e alkoolit dhe ngjarjet e tjera publike do të organizohen në disa objekte hotelierike në mënyrë që t’i edukojnë të rinjtë të mos ngasin automjet nën ndikimin e alkoolit. Do të organizohen edhe aktivitete për edukimin e shoferëve për mospërdorimin e celularëve kur ngasin automjet, do të organizohen patrulla të lëvizshme për të rritur ndërgjegjësimin për përdorim më të madh të helmetave mbrojtëse nga motoçiklistët, patrulla të lëvizshme për t’i edukuar këmbësorët për pjesëmarrjen e tyre të përgjegjshme në komunikacion, etj.
Informimi, edukimi dhe ndërgjegjësimi për komunikacion më të sigurt është ajo që do të ndodhë në Ohër në shtatë ditët e ardhshme dhe e cila do të mbështetet dhe promovohet nga disa personalitete publike – mbështetës të fushatës “E dua qytetin të sigurt”.
Ohri është qendër e rëndësishme turistike për Republikën e Maqedonisë. Qyteti jeton dhe përgatitet për sezonin e ri turistik. Qëllimi i KRSKRR-së dhe mbështetësve të aksionit “E dua qytetin të sigurt” është, ndër të tjera, të përgatisin qytetin dhe qytetarët për një komunikacion më të sigurt. Sezoni turistik nënkupton komunikacion më të dendur, intensitet më të lartë të komunikacionit dhe rrezik më të madh të rrezikimit të sigurisë së pjesëmarrësve në komunikacion. Kjo është arsyeja pse mbështetja e të gjithë qytetarëve dhe të gjithë faktorëve shoqërorë është e nevojshme për një qytet të sigurt, për komunikacion të sigurt, për një verë të sigurt në Ohër.
Të gjithë ne individualisht dhe së bashku si një e tërë e përbëjmë sistemin e komunikacionit. Jeta dhe shëndeti i shumë pjesëmarrësve në komunikacion varet nga secili prej nesh individualisht dhe nga vendimet tona personale dhe sjellja jonë në komunikacion.
Për ta bërë qytetin të sigurt, për t’i respektuar rregullat e komunikacionit dhe për të mbrojtur jetën dhe shëndetin e të gjithë pjesëmarrësve në komunikacion është mesazhi që KRSKRR-ja u dërgon qytetarëve të Ohrit dhe të gjithë atyre që në periudhën e ardhshme do të qëndrojnë ose kalojnë përmes Ohrit.
E dua jetën! E dua qytetin të sigurt! Java e Sigurisë në Komunikacion në Ohër!