Në kuadër të shënimit të Javës Evropiane të Lëvizshmërisë 2026, Këshilli Republikan për Siguri në Komunikacionin Rrugor (KRSKRR), në bashkëpunim me partnerët e tij, realizoi aktivitete që synojnë promovimin e lëvizshmërisë së qëndrueshme, pjesëmarrjen e sigurt në komunikacion dhe rritjen e ndërgjegjësimit publik për mënyrat alternative të transportit.
Në Shkup, KRSKRR-ja, në bashkëpunim me Departamentin e Parandalimit në SPB Shkup dhe nxënësit e SHMQSH “QSHA Boro Petrushevski”, në shëtitoren e Lumit të Vardarit e filloi fushatën me rastin e Javës Evropiane të Lëvizshmërisë, gjatë së cilës u mbajt parada e biçikletave me qëllim të promovimit të biçikletës si mjet transporti i sigurt, praktik dhe ekologjik.
Në të njëjtën kohë, në Gjevgjeli, KRSKRR-ja, së bashku me KKSKRR Gjevgjeli dhe DPB Gjevgjeli, zbatuan paradën e biçikletave në të cilën morën pjesë nxënësit e SHFK “Kërste Misirkov” dhe SHFK “Vllado Kantarxhiev”, si dhe përfaqësuesit e KBGJ – Klubi i Biçikletave i Gjevgjelisë. Ky aktivitet dërgoi mesazh për rëndësinë e lëvizshmërisë aktive, përdorimin e biçikletave dhe formave të tjera alternative të transportit, si dhe për nevojën për kulturë më të madhe të komunikacionit dhe kushte më të sigurta për të gjithë pjesëmarrësit në komunikacion.
Java Evropiane e Lëvizshmërisë është mundësi për të na kujtuar se çdo zgjedhje për të ecur, për të vozitur biçikletë, për të përdorur transportin publik ose ndonjë formë tjetër të qëndrueshme të lëvizshmërisë kontribuon për ajër më të pastër, më pak rrëmujë në komunikacion, mjedis më të shëndetshëm dhe rrugë më të sigurta.
🚶 Më shumë këmbësorë
🚴 Përdor biçikletë
🛴 Zgjidh forma alternative të lëvizshmërisë
🚌 Përdor transport publik
🚦 Lëviz në mënyrë të sigurt
✅ Kontribo për një qytet më të qëndrueshëm
💟 Çdo jetë është e rëndësishme.