Këshilli Republikan për Siguri në Komunikacionin Rrugor (KRSKRR), në bashkëpunim me Departamentin e Parandalimit pranë SPB Shkup, zbatoi aktivitete të intensifikuara parandaluese në kuadër të fushatave të vazhdueshme “Në mënyrë të sigurt në motor – #MbajKasket”, “Në mënyrë të sigurt në biçikletë #KthehuNëMënyrëTëSigurt” dhe “Në mënyrë të sigurt në trotinet”. Qëllimi i aktiviteteve është të rrisë ndërgjegjësimin dhe të zvogëlojë numrin e personave të lënduar që vozisin motoçikletë, biçikletë ose trotinet elektrik.
Aktivitetet u realizuan në dy lokacione kryesore në Shkup – Parku i Qytetit, si vend qendror për rekreacion dhe lëvizje të këtyre pjesëmarrësve në komunikacion, si dhe në Bulevardin Ilinden, i cili është një nga rrugët më të frekuentuara të komunikacionit në qytet.
Gjatë fushatës, u shpërndanë materiale edukative, u zbatuan biseda me shoferët dhe u dhanë këshilla praktike për pjesëmarrjen e drejtë dhe të duhur në komunikacion, respektimin e rregullativës ligjore dhe mbajtjen e pajisjeve të detyrueshme mbrojtëse.
Përmes këtyre fushatave gjithëpërfshirëse parandaluese, KRSKRR-ja dhe Ministria e Punëve të Brendshme dërgojnë mesazh të qartë: siguria e pjesëmarrësve më të cenueshëm në komunikacion është përparësi. Thirrja për pjesëmarrësit në komunikacion është të jenë të kujdesshëm, të mbajnë pajisje mbrojtëse, të lëvizin me kujdes dhe me përgjegjësi dhe të jenë shembull në komunikacion duke i respektuar rregullat.
KRSKRR-ja thekson: Së bashku të gjithë mund t’i bëjmë rrugët më të sigurta!
