Këshilli Republikan për Siguri në Komunikacionin Rrugor (KRSKRR), në bashkëpunim me Departamentin e Parandalimit të SPB Veles, më 12 tetor (e diel) me karvanin e tij të sigurisë në komunikacion ishte në Veles në ditën e tretë të manifestimit “Festivali i Pites dhe Verës – Pitiada 2025”. Stenda informative edukative ishte pjesë e ekspozitës së automjeteve të vjetra dhe ngjalli interes të madh tek vizitorët e shumtë.
Në stendën e KRSKRR-së u prezantuan materialet edukative, fletushkat dhe rekomandimet për rritjen e ndërgjegjësimit për komunikacionin tek shoferët, këmbësorët dhe pjesëmarrësit më të rinj në komunikacion. Prindërit treguan interes të madh së bashku me vizitorët më të rinj, për të cilët u shpërndanë materiale edukative mbi rregullat e komunikacionit të përshtatura për moshën e tyre, me qëllim që të edukohen për sjelljen e duhur dhe të sigurt në komunikacion.
Në kuadër të ngjarjes ishin përfshirë fushatat aktuale të KRSKRR-së: “Vendose rripin e sigurimit”, “Mos pi kur vozit”, “Mos përdor telefon celular gjatë vozitjes së automjetit”, “Parko me ndërgjegje – Parko me përgjegjësi”, “Siguria e këmbësorëve – përgjegjësia e të gjithë neve”, “Në mënyrë të sigurt në motoçikletë”, “Në mënyrë të sigurt në e-trotinet” dhe “Në mënyrë të sigurt në biçikletë – Kthehu në mënyrë të sigurt”, që synojnë çiklistët, si dhe fushatën “Në mënyrë të sigurt në komunikacion me traktorë dhe mekanizim bujqësor”.
Aktivitetet në terren të Këshillit, së bashku me partnerët në fushatë dhe MPB-në janë gjithmonë lëndë interesi i madh nga pjesëmarrësit në komunikacion dhe qytetarët, disa prej të cilëve njihen me rregullat e komunikacionit për herë të parë, dhe pjesa tjetër ka mundësinë të kujtohet se siguria është kontribut i përbashkët i të gjithë pjesëmarrësve në komunikacion. Në këtë drejtim, KRSKRR-ja i vazhdon aktivitetet e veta në terren me sloganin #KRSKRRnëTerren me qëllimin efektiv të ndryshimit të shprehive të pjesëmarrësve në komunikacion përmes edukimit dhe rritjes së ndërgjegjësimit dhe kulturës së komunikacionit përmes parandalimit të aksidenteve në komunikacion, me qëllim të krijimit të rrugëve më të sigurta për të gjithë pjesëmarrësit.
