Në kuadër të fushatës “T’i mbrojmë fëmijët në komunikacion”, Këshilli Republikan për Siguri në Komunikacionin Rrugor, me mbështetjen teknike nga kompania me përgjegjësi shoqërore “Bojta ING”, SHPKNJP Shkup, sot organizoi aktivitet edukativ dhe praktik në Shkollën Fillore Komunale “Goce Dellçev”.
Si pjesë e aktiviteteve, mësimdhënësit dhe nxënësit, së bashku me kryetarin e KRSKRR-së, mr. Goran Angellovski, e rinovuan vendkalimin e këmbësorëve para shkollës, duke rinovuar sinjalizimin horizontal të vendkalimit ekzistues të këmbësorëve, duke dërguar mesazh të fortë për rëndësinë e lëvizjes së sigurt të fëmijëve në komunikacion.
Ngjarja u zbatua së bashku me vetëqeverisjen lokale të Komunës së Bosillovës dhe kryetarin e komunës, Risto Mançev, Departamentin e Parandalimit në SPB Strumicë, drejtorin e shkollës dhe udhëheqësit e klasave. Së bashku, nëpërmjet bashkëpunimit midis institucioneve, kuadrit të mësimdhënësve dhe nxënësve, u konfirmua rëndësia e përpjekjeve të përbashkëta në avancimin e sigurisë së pjesëmarrësve më të rinj në komunikacion.
Fushata “T’i mbrojmë fëmijët në komunikacion” ka për qëllim të rrisë ndërgjegjësimin për sigurinë e fëmijëve si pjesëmarrës në komunikacion, veçanërisht pranë shkollave dhe kopshteve. Përmes ligjëratave edukative, aktiviteteve dhe ndërveprimeve me nxënësit, fushata përpiqet të zvogëlojë numrin e aksidenteve në komunikacion në të cilat lëndohen fëmijët.
Ky aktivitet është pjesë e përpjekjeve më të gjera të KRSKRR-së dhe institucioneve partnere për të krijuar kushte më të sigurta për lëvizjen e fëmijëve nëpër shkolla dhe për të rritur ndërgjegjësimin tek shoferët dhe të gjithë pjesëmarrësit në komunikacion.
